Bangklung teh seni tradisi ti Garut anu ngahijikeun seni terebang jeung seni angklung. Kapan istilah Bangklung oge saeunyana mah wancahan tina terebang jeung angklung. Ieu kaseunian the asalna ti Wewengkon Cisero, Cisurupan.
Kasenian Bangklung the gelarna can patali lila. Ceuk katerangan masarakat Cisero, Bangklung gelar kira-kira dina taun1968-an, ku alpukahna Bapa Ajuk jeung Iri Asari sarta dirojong ku bapa Rukasah.
Seni Bangklung diciptakeun lain bae keur hiburan, tapi boga palasipah pikeun dijadikeun eunteung ker kahirupan manusia. Ku sabab eta, dina lalaguan jeung wirahma tatabeuhanana seni Bangklung the ngadumaniskeun unsure jiwa jeung raga, ngarah kaudag kasaimbangan, harmonisasi, tur nuyun manusa kana jalan anu leuwih hade.
Ari waditra anu dipake dina seni Bangklung terebang lima siki (ngawengku terebang anak, terebang kempring, terebang bangsing, terebang tempas, jeung terebang inung), serta angklung salapan siki ( ngawengku dua angklung nambruk, dua angklung tempas/pancer, opat angklung real, jeung hiji angklung engklek).
Ari lalaguan nu osok di klawihkeun dina seni Bangklung diantarana lagu Anjrog, Maula, Marhaban, Soleang, jeung Kacang Buncis . Biasana seni Bangklung the dipagelarkeun dina acara-acara hiburan samodel pesta atawa hajat panen, nyunatan, jeung raramean liana.
Tidak ada komentar:
Posting Komentar